يا ام العيون الحـــــــــــــور

يا ام العيون الحـــــــــــــور
نا بدوي وأنت من قضا الحضور
بلاش م الغلا
ياســــــــمحــــــةالتهـــــــــميده .متخالفين رانا من أسباب عديده
انت من بنات رباة عيت احمــيده . ونا بدوي لا في عـــــالبلاد اندور
قضيت الطفوله في ظروف شديده. ولا في شبابي شفت يوم اسرور
شقي من خطا ليام والتــــعقيده. قليل الهنا نوعا معا الفـــــــــجور
وما يهمني وانت عروس جديــده . عالنوم والكساد انديـرلك طرطور
أنت خذيتي عالحياه السعيـــــده . معا بوك عندك هانيــــــــه الامور
وعنده عليك حنان وتفدفيـــــده . اتكحي احذاه ايجيبـــــــلك دكتور
وكل عام لأثينا يشيـــــلك بيده . في صيفها تقضـــــي ثلاث اشهور
دلال علمك عالدلع والتجعيــــــده . اللي تطلبيه اينفذه مامـــــــــــور
ونا بدوي شاعث مونتي العصيده . وتمر وحليب وخبزة التـــــــــنور
بالله وين نبقوا في بلاد بعـــيده. بالله ويــن نلقــــــالك البيتـــيفور
يا دلــــــــــــــــوعـــــــه....
مليت من الخداع ومن مرار اللوعه
غلاك ينتها مفروض قبل اسبوعه . وانكان هوسبع علي ايجـــور
واندامن اقسامي في الغلا طبوعه . بعد ايام تلقــــيني بروفيســــور
واندرّس علي طلاب في ميضوعـه . واندير معهد عالي للبكا مشهور
والطالب ايجي شايل معاه ادموعه . لشروط القبول الحـــب عندا دور
اهناك فرق بين ابكا في المربوعة . وابكا في الخـــــلا وبكا للجمهور
بلاش م الغلا يم العيون الحور
نا بدوي وانتى من قضا الحضور...