عجوز اتشاكي من حالتها .. للدكتوره امنين اتجي
وتشكي حتي من كنتها .. واجد تشكي موش اشوي
وتشكي ديمه من جارتها .. ومن شيبانيها تشكي
وتحكي عن حاله صابتها .. امنين تنشر قات فدبشي
الدوخه والرعشه ركبتها .. وقالت مرخيات ايدي
تشرتع من تصبايتها ..وقالت راسي جي تحتي
الدكتوره تبي علتها .. م الحاله ماعرفت شي
ثاني يوم مشت زارتها .. دقت عالباب اتنادي
نا الدكتوره وين سمعتها ..قالت مرحب يا بنتي
امنين خشت م الباب لقتها ..تنشر فوق اسلاك الضي